Pokhara News

तीन वर्षमा सबै स्थानीय तहमा पुस्तकालय बनाइने

पोखरा न्युज –

शिक्षा मन्त्रालयले हरेक स्थानीय तहमा एउटा पुस्तकालय स्थापना गर्ने भएको छ ।

स्थानीय तहमा पठन संस्कृतिको विकास गर्नका लागि ७५३ स्थानीय तहमा एउटा पुस्तकालय स्थापना गर्ने मन्त्रालयका सहसचिव बैकुण्ठ अर्यालले जानकारी दिनुभयो । उहाँले आगामी ३ वर्षमा सबै स्थानीय तहमा सुविधासम्पन्न पुस्तकालय स्थापना गर्ने बताउनुभयो ।

उहाँले यसै आर्थिक वर्षदेखि हामीले पुस्तकालय बनाउने काम शुरु गर्ने उल्लेख गर्नुभयो ।

उहाँका अनुसार यस आर्थिक वर्षमा ३५० स्थानीय तहमा पुस्तकालय बनाउने मन्त्रालयको योजना रहेको छ । जसका लागि मन्त्रालयले बजेटसमेत विनियोजन गरिसकेको छ । एउटा पुस्तकालयका लागि रु ६ लाख बजेट विनियोजन गरिएको छ ।

यसैगरी सातवटा प्रदेशमा पनि प्रादेशिक पुस्तकालय बनाउने उहाँले बताउनुभयो । रासस

अन्य खबर

गण्डकी प्रदेश सरकारले आवासीय विद्यालय सञ्चालन गर्ने

रासस

बागलुङमा पूर्व शिक्षकबाट विद्यालयलाई १२ लाख सहयोग

रासस

अब गृहकार्यबारे अभिभावकलाई झुक्याउन नसकिने

रासस
खुल्दैछ.......