पोखरा न्युज – ७, चैत्र ।
पोखरा ५ पर्स्याङमा स्कुटर दुर्घटना हुदाँ एक जनाको ज्यान गएको छ ।
मंगलबार राति करिब १२: ३० बजे पर्स्याङको धर्मस्थलि स्कुल अगाडी भएको दुर्घटनामा परेका कास्कीको माछापुच्छ्रे गाउपालिका ६ का ४५ बर्षीय पान बहादुर क्षेत्रीको मृत्यु भएको हो ।
धर्मस्थलि स्कुल अगाडी रोकी राखेको ग १ ख ५९९६ नम्बरको पृथ्वी यातायात समितिको बसको पछाडीको भागमा बाग्लुङ बसपार्कबाट जिरो किमीतर्फ जादै गरेको ग १४ प २३३ नम्बरको स्कुटर ठोक्किदा स्कुटर चालक क्षेत्री गम्भीर घाइते भएका थिए ।
दुर्घटनामा परी गम्भीर घाइते भएका क्षेत्रीको उपचारको क्रममा मेट्रोसिटि अस्पताल पोखरामा मृत्यु भएको प्रहरी उपरीक्षक बिरेन्द्र कुमार बस्यालले बताएका छन् ।
घटना पश्चात बस, स्कुटर र बसको साहुलाई नियन्त्रणमा लिइएको प्रहरीले जनाएको छ ।