पोखरा न्युज ।
पर्यटकीय नगरी पोखरामा पुजी वजारको संभावना बढदै गएपछि एनआइबिएल क्यापिटल मार्केटस् लि.ले आफ्नो सेवा विस्तार गरेको छ ।
पोखरामा आज एक कार्यक्रमका बीच नेपाल इन्भेष्टमेन्ट बैंक लिपोखराका शाखा प्रमुख धिरज थापाले शाखाको उद्घाटन गर्नु भएको हो । पोखरेली सेवाग्राहीहरुलाई मर्चेन्ट बैंकिङ अन्र्तगतका विभिन्न सेवाहरु सर्वसुलभ तरिकाले प्रदान गर्न शाखा बिस्तार गरिएको उहाँले वताउनु भयो ।
नेपाल धितोपत्र बोर्डका अध्यक्ष डा.रेवत बहादुर कार्कीले एक समारोहबीच लगनखेल ललितपुरस्थित शाखा कार्यालय उद्घाटन गरेका हुन् । उक्त समारोहमा नेपाल इन्भेष्टमेन्ट बैंक लि.का प्रमुख कार्यकारी अधिकृत ज्योती प्रकाश पाण्डे, एनआइबिएल क्यापिटलका अध्यक्ष सचिन टिवडेवाल, एनआइबिएल क्यापिटलका प्रमुख कार्यकारी अधिकृत शिवान्त बहादुर पाँडे, नेपाल धितोपत्र बोर्डका प्रतिनिधीहरु लगायत नेपाल इन्भेष्टमेन्ट बैंक लि. र एनआईविएल क्यापिटल मार्केटस् लि. का उच्च पदाधिकारीहरु उपस्थित थिए । एनआईविएल क्यापिटल मार्केटस् लि. ले शाखा कार्यालयहरुबाट पनि सेवाग्राहीलाई सर्वसुलभ तरिकाबाट उत्कृष्ट सेवा दिने विश्वस्तका साथ शाखा बिस्तार गरिएको बताइएको छ ।
एनआइविएल क्यापिटल मार्केट्स लि. ले मर्चेन्ट बैकिङ अन्तर्गत निश्काशन तथा बिक्री प्रबन्ध, शेयर रजिष्ट्रेशन, धितोपत्रको प्रत्याभुति सेवा लगायत सामुहिक लगानी कोष, निक्षेप सदस्य तथा लगानी व्यवस्थापनको सेवाहरु आफ्नो सेवाग्राहीहरुलाई प्रदान गर्दै आइरहेको छ ।
निकट भविष्यमा नेपाल धितोपत्र बोर्डको स्वीकृती लिई परामर्श सेवाहरु समेत संचालनमा ल्याउने बताइएको छ ।
कम्पनीले हाल बैंक÷वित्तीय संस्था, बीमा कम्पनी, जलविद्युत कम्पनी तथा होटल गरी जम्मा ३१ वटा कम्पनीहरुको शेयर रजिष्ट्रेशन सम्बन्धी कार्य गर्दै आइरहेको छ ।
