पोखरा न्यूज -२२, साउन ।
पोखरा लेखनाथ महानगरपालिका -९ पृथ्बीचोकबाट लागु औषध सहित एक युवक पक्राउ परेका छन् ।
मंगलबार बिहान करिब साढे ६ बजेको समयमा पृथ्बीचोक स्थित दिप मम रेस्टुरेन्टबाट लागु औषध सहित १९ बर्षीय शेषकान्त थारु पक्राउ परेको प्रहरीले जनाएको छ । कपिलबस्तु बगुनि स्थायी घर भएका थारु ५ सय ४३ थान लागुऔषध सहित रेस्टुरेन्टबाट पक्राउ परेको प्रहरी उपरीक्षक बिरेन्द्र कुमार बस्यालले जानकारी दिए । थारुको साथबाट फेनरागन १८० थान , डाईजेपाम १८० थान, नुरफिन १८० थान तथा नाईट्रोजन ट्याबलेट ३ पत्ता बरामद गरेको प्रहरीले जनाएको छ ।
थारुलाई पक्राउ गरी थप अनुसन्धान भइरहेको प्रहरीले उल्लेख गरेको छ ।