पोखरामा महिला हिंसा विरुद्ध आत्मरक्षा तालिम सुरु

पोखरा न्यूज- ०१ फागुन ।

 गण्डकी प्रदेश तेक्वान्दो सघंको आयोजनामा आजदेखी महिला हिंसा विरुद्ध आत्मरक्षा तालिम सुरु भएको छ ।

बुधबार आजबाट सुरु भएको आत्मरक्षा तथा प्रशिक्षक प्रशिक्षण तालिमको सामाजिक विकास मन्त्री नरदेवी पुनले उद्घाटन गरिन् । कार्यक्रमको उद्घाटन गर्दै मन्त्री पुनले प्रदेश सरकारले गण्डकी प्रदेशभरका स्थानिय तहमा खेलकुदका पूर्वाधार बनाउन लागि रहेको बताइन् । उनले पछिल्लो समय महिला तथा बालबालिका हिंसाका घटना सार्वजनिक भइरहदा आत्मरक्षासम्बन्धी तालिमले त्यस्ता घट्ना न्यूनिकरणमा सहयोग पुग्ने आफूले विश्वास लिएको बताइन् । मन्त्री पुनले यस्ताखालका तालिम सबैले लिन पर्ने भन्दै त्यसको अभिभावकत्व प्रदेश सरकारले लिन तयार रहेको बताइन् ।

तालिममा नेपाल टेक्वान्दो संघका वरिष्ठ प्रशिक्षक डा. नमरजंग गुरुङले तालिमले महिला तथा किशोरीहरुलाई आत्मरक्षामा उपयोगी हुने बताए । तालिम पश्चात समाजमा महिला हिंसा तथा दुरव्यवहारमा कमि आउने आफूले विश्वास लिएको बताए ।

टेक्वान्दो संघ गण्डकी प्रदेश, गण्डकी प्रदेश प्रहरी कार्यलय र नोवाज आर्क स्र्पोटस साईन्स कलेज लगायतका संस्था आयोजकका रुपमा रहेको तालिम आगामी सोमबारसम्म सञ्चालन हुनेछ । पोखरा लगायतका स्थानबाट २५० जना बढि किशोरी तथा महिलाहरुको उपस्थिती रहेको गण्डकी प्रदेश तेक्वान्दो सघंका अध्यक्ष्य जगन गुरुङले जानकारी दिए ।

तेक्वान्दो,बक्सिङ्ग लगायत सबै मार्सलआर्ट खेलसंग सम्बद्ध एक सय प्रशिक्षकहरुलाई प्रशिक्षण तथा किशोरीहरुलाई कोरीयाका योमीङ युनिभर्सिटिका प्रा.डा.लिङ सङ गिल, नपालका प्रशिक्षक नमरजंग गुरुङ, डा अच्छुतम लामिछाने, लि संङ मीन, लि संङ ही लगायतले प्रशिक्षण दिनेछन ।

© Copyright 2019, All Rights Reserved | Pokhara News | नोट : यस पोखरा न्यूज डटकममा सम्प्रेषित कुनै पनि समाचार वा समाचारको अंश हाम्रो अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जान बाध्य हुने छौ ।
Loading...

प्रतिक्रिया

तपाइको इमेल गोप्य राखिनेछ । अनिवार्य भर्नुपर्ने ठाउँ *

Back to top button
Close