पोखरा न्यूज – ०५, चैत । पोखरामा मंगलबार प्याराग्लाइडिङ दुर्घटना हुँदा एक बालक सहित २ जना घाइते भएका छन् ।
पोखरा – १८ सराङकोटाबाट ट्यान्डम उडान भरेको ओपन स्काई प्याराग्लाइडिङ कम्पनिको ग्लाइडर खपौंदीमा ल्याण्ड गर्ने दुर्घटना हुँदा २ जना घाइते भएको प्रहरीले जनाएको छ ।
दुर्घटनामा परि चिनिया पाइलट ५० बर्षीय ALES WKRIEN र प्याराग्लाइडिङमा उडिरहेका सिंगापुरका नागरीक ७ बर्षीय YANG GUANG ZE घाइते भएको वडा प्रहरी कार्यालय बैदामका प्रहरी प्रमुख डिएसपी कोमल शाहले बताए । डिएसपी शाहका अनुसार घाइते दुबैको सामान्य अवस्थामा मणिपाल अस्पताल पोखरामा उपचार भइरहेको छ ।
खपौंदीमा ल्याण्ड गर्ने क्रममा ग्लाइडर बिजुलीको तारमा अड्किएर दुर्घटना भएको प्रहरीले जनाएको छ ।