पोखरा न्यूज – २२, चैत । पोखरा तर्फ आउदै गरेको पिकअप भ्यान र दमौली तर्फ जाँदै गरेको ट्याक्सी ठक्कर खादा ४ जना घाइते भएका छन् ।
शुक्रवार तनहुँको म्याग्दे गाउँपालिका – १ बरचौरमा दमौलीबाट पोखरा तर्फ आउदै गरेको बा ६ च २९६ नम्बरको पिकअप भ्यान र बिपरित दिशाबाट आउदै गरेको ग १ ज १८१९ नम्बरको ट्याक्सी एक आपसमा ठक्कर खादा दुर्घटना भएको हो ।
दुर्घटना परी ४ जना घाइते भएको ४ नम्बर प्रदेश प्रहरी कार्यालय पोखराका डिएसपी प्रहरी प्रवक्ता गोबिन्द पुरीले जानकारी दिएका छन् । पुरीका अनुसार दुर्घटनामा परी पोखरा -१० का ४५ बर्षीय ट्याक्सी चालक ढाकाराम सापकोटा, ट्याक्सिमा सवाररत चितवन खैरेनीटार नगरपालिका-८ का ४६ बर्षीय देउ बहादुर पुन, ४५ बर्षिया बुद्धिमाया पुन तथा ४० बर्षिया राजकुमारि पुन घाइते भएका छन् ।
ट्याक्सि चालकको अवस्था सामान्य रहेको र अन्य ३ जनालाई उपचारका लागी चितवन पठाइएको प्रहरीले जनाएको छ।
घटनाको बारेमा थप अनुसन्धान भइरहेको प्रहरीले जनाएको छ ।
