पोखरा न्यूज – १०, बैशाख । जिल्ला प्रहरी कार्यालयमा कास्कीमा १४ थान हतियार बुझाइएको छ ।
जिल्ला प्रशासन कार्यालयले इजाजत नलिएका, नवीकरण नगरिएका र हकवालाबाट नामसारी नगरिएका हतियार बुझाउन सूचना जारी गरेपछि बिभिन्न व्यक्तिहरुले १४ थान हतियार बुझाएको प्रहरीले जनाएको छ ।
हकवालाले बुझाएका हतियारमा अधिकांश भरुवा बन्दुक रहेको जिल्ला प्रहरी कार्यालयका प्रहरी प्रवक्ता रवीन्द्रमान गुरुङले बताए । १४ थान हतियार मध्य ४ थान इजाजत नभएका हतियार रहेको र अन्यको इजाजत भएतापनि नवीकरण नगरिएको प्रवक्ता गुरुङले जनाए।