पोखरा न्यूज – २७, मंसिर । पोखराको बुलौदीस्थित एक संस्थाको संरक्षणमा रहेकी महिलाको मृत्यु भएको छ ।
पोखरा – ६ बुलौदी स्थित कोपिला नेपाल संस्थामा विगत २ वर्षदेखी संरक्षणमा रहेकी अन्दाजी ३२/३३ बर्षीया महिलाको शुक्रवार मृत्यु भएको प्रहरीले जनाएको छ ।
मानसिक सन्तुलन ठिक नभएकी उनको शुक्रवार विहान ६ बजे निधन भएको हो । नियमित औषधि सेवन गरिरहेकी उनले शुक्रवार बिहान उठेर पानी पिएको र केहि बेरमा अचेत भएसँगै मृत्यु भएको वडा प्रहरी कार्यालय बैदामका प्रहरी निरीक्षक बिजय भण्डारीले पोखरा न्यूजलाई जानकारी दिए ।
बेवारिसे अवस्थामा रहेकी उनलाई कोपिला नेपालले स्याङ्गजाको पुतलीवजारबाट पोखरामा ल्याई संरक्षण दिदै आएको थियो ।
मृतक महिलाको शव पोष्टमार्टमको लागि पश्चिमान्चल क्षेत्रीय अस्पातल पोखरामा राखिएको छ ।
