पोखरा न्यूज – १७, माघ । बाग्लुङमा श्रीमान-श्रीमतीबीच कुटाकुट हुँदा श्रीमानको मृत्यु भएको छ ।
बाग्लुङ तमानखोला गाउँपालिका -१ का रविलाल विकको उनकी श्रीमती जमुना विकसँग घरायसी विवादमा कुटाकुट हुँदा घरको भित्तामा टाउको ठोक्किएर मृत्यु भएको प्रहरीले जनाएको छ । बुधबार राति भएको घटनामा ६४ वर्षीय विकको गार्होको ढुङ्गामा ठोक्किएर घटनास्थलमै मृत्यु भएको थियो ।
घटना पछि प्रहरीले मृतककी श्रीमती जमुनालाई नियन्त्रणमा लिएर थप अनुसन्धान थालेको पनि जनाइएको छ ।