पोखरा न्यूज- ११, मंसिर । पोखरामा नेकपाको चुनावीसभा स्थलमा विष्फोट गराएको आशंकामा प्रहरीले एक जनालाई पक्राउ गरेको छ ।
बुधबार नयाँबजार प्रदर्शनी केन्द्र नजिक नेकपाको चुनावीसभा स्थलमा फोहरको थुप्रोमा शंकास्पद वस्तु विष्फोट गराएको आशंकामा एकजना पक्राउ परेको गण्डकी प्रदेश प्रहरी कार्यालय पोखराले जनाएको छ ।
शंकास्पद वस्तु विष्फोट कार्यमा संलग्न रहेको आशंकामा तत्कालै उनलाई पक्राउ गरी अनुसन्धान भैरहेको प्रहरीले जनाएको छ ।
अनुसन्धान भैरहेको भन्दै प्रहरीले पक्राउ परेका व्यक्तिको विवरण सार्वजनिक गरेको छैन ।
बुधबार उपचुनावको प्रचारप्रसारको अन्तिम दिन नेकपा अध्यक्ष प्रचण्ड चुनावीसभा स्थलमा सम्बोधनको लागि प्रवेश गरेको केहीबेरमै विष्फोट भएको थियो ।
यो पनि पढ्नुहोस् :-
पोखरामा नेकपाको चुनावीसभा नजिकै विष्फोट, २ गाडीमा क्षति
पोखरामा चुनावीसभा स्थलमा भएको विष्फोटमा भागदौड हुँदा ५ घाइते
